6. mai 2014

Coben og Molitar på vent

Mitt fyrste møte med Harlan Coben og krimhelten hans, Myron Bolitar, vart vellukka: Eg skal definitivt lesa meir av denne forfattaren - og om denne hovudpersonen. Eg har lytta til På grunn av et løfte - ei godt komponert, underhaldande og spennande bok med eit heller innvikla plott; akkurat slik som eg likar det. Eg vil ikkje ha det "for enkelt". Lydboka er godt lest av Chrisoffer Staib - med engasjement og innleving.

Dermed fekk eg også ein heil haug fleire bøker på vent, for dette er bok nummer åtte i serien om Myron Bolitar. Eg kjem sikkert ikkje til å lesa alle, men no veit eg at dette er ein bra serie. Om det skulle dukka opp ei Coben-bok, kan eg "slå til".

Kronologien i serien er slik:
    1. Livstegn (Deal breaker)
    2. Harde slag (Drop shot)
    3. En siste sjanse (Fade away)
    4. Feil side av veien (Black spin)
    5. En venn av familien (One false move)
    6. Siste detalj (The Final detail)
    7. Den siste du møter (Darkest fear)
    8. På grunn av et løfte (Promise me)
    9. Dypt savnet (Long lost)
    10. Ringer i vann (Live Wire)

    Eg hadde ikkje store vanskar med å starta lesinga langt ute i serien; både hovud- og bipersonar som har vore med i tidlegare bøker vert presenterte på ein forståeleg måte. Myron Bolitar er ein Mann med stor M: kul, tøff, rappkjefta, hardtslåande og handlekraftig. Men han er også sympatisk og velmeinande - og eg fall pladask for han, det må eg berre tilstå. Myron er "typisk amerikansk"; tidlegare basketballspelar, sidan advokat og deretter PR-agent i New York. Kollegaene hans i byrået er utruleg fargerike - og Coben skildrar dei godt og med snert. Ikkje alt er like truverdig, men det er stilsikkert, underhaldande og engasjerande.

    Ein ting slo meg då eg las På grunn av et løfte. Denne boka kom ut i 2006; før Facebook og smarttelefonar vart allemannseige. Så no, berre nokre få år seinare, virkar mykje av det som skjer i boka gammaldags og tungvint. Framveksten og utviklinga av sosiale media har ført til ein annan kvardag for oss alle.

    Harlan Coben er ein av dei verkeleg store amerikanske thrillerforfattarane. I tillegg til Myron Bolitar-serien har han skrive fleire enkeltståande romanar, samt starta på ein ungdomsbokserie der nevøen til Bolitar er hovudperson.

    Ute etter leseinspirasjon og boktips?
    Klikk deg inn i Beathes bokhylle og sjå fleire ventebøker der!

    4 kommentarer:

    1. Syntes jeg hadde sett navnet på denne forfatteren før og ved nærmere øyesyn så har jeg en bok av ham liggende i hyllen ( Tilgi meg) men det ser ikke ut som den tilhører denne serien. Når jeg har kommet litt ned i krim-bunken min så skal jeg jammen sjekke denne ut. Tusen takk for tips!

      SvarSlett
    2. Han har jeg faktisk ikke lest noe av . Kos deg med bøkene.:)

      SvarSlett
    3. Har nokre bøker av han i hylla, men eg har tilgode å lese dei... Dei er på vent ;-)

      SvarSlett
    4. Jeg har lest noen av bøkene hans, eller rettere sagt hørt dem på lydbok på vei til svigerfamilien min. De bor på andre kanten av landet, så vi må ha noe å gjøre på veien! Jeg likte godt denne, og også de andre jeg har hørt :-) Ønsker deg en fin uke!

      SvarSlett