16. desember 2014

Leif GW Persson - Eit samleinnlegg

Fyrste gongen eg "møtte" forfattaren Leif GW Persson var då eg las romanen Mellom sommerens lengsel og vinterens kulde for eit par-tre år sidan, - men det vart eit møte og ein kriminalroman som eg ikkje fann ut av. Skuffande og overraskande nok, for svensk krim er liksom ein av lidenskapane mine og noko som eg vanlegvis kosar meg med. Den nemnde boka er ein murstein på nærare 600 sider, ho inneheld utallige karakterar, bihistoriar og trådar, og eg fann handlinga treg og tung. Då eg las boka i mars 2012 gav eg ho terningkast 2 på bokelskere.no. Der finn eg også att ein kommentar som eg skreiv den gongen: "Har aldri brukt lengre tid på ei krimbok. Denne vart altfor lang, altfor kjedeleg, altfor omstendeleg. Kjem neppe til å lesa meir GW Persson." 

Eg var altså skikkeleg sur etter den leseopplevinga. Men det er vel ingen skam å snu, og i ettertid har eg hatt eit ønske om å prøva meg på ei anna bok av GW Persson, sidan denne forfattaren av mange vert sett på som "deckarkungen" og ein av dei aller beste svenske kriminalforfattarane. I tillegg er Persson, med den bakgrunnen og erfaringane han har, ein interessant person. Han er ikkje fyrst og fremst forfattar, men er professor i kriminologi ved Rikspolisstyrelsen i Stockholm og sakkyndig i det svenske justisdepartementet. Han er òg ein frittalande og uredd samfunnsdebattant som ofte opptrer som krimekspert i media. I ymse samanhengar, også skjønnlitterært, har han vore særleg engasjert i etterforskinga i drapet på Olof Palme.

Kronologi gav eg blaffen i då eg i haust valde meg ut Den døende detektiven (frå 2010)og det vart eit langt hyggelegare møte og ei meir underhaldande leseoppleving. Eg lånte lydboka - med Nils Nordberg som opplesar - på biblioteket. Nordberg si stemme passa glimrande til boka. "Gjensynet" med dei aldrande herrane Jarnebring og Johansen - som er gjennomgangsfigurar i fleire av GW sine romanar - var varmt og triveleg. Fullt så triveleg er ikkje kollegaen deira Evert Bäckström, men også han har ei rolle å fylle. Det vart ei fin leseoppleving; ei ettertenksam og fornøyeleg bok som også inneheld ei skikkeleg kriminalgåte. Det er ikkje så mykje action og fart i boka, og tidvis stoppar handlinga litt opp, men historia er brukbart fengslande likevel. Persson vart tildelt Glassnøkkelen for Den døende detektiven.

Dermed var eg i liksom i gang med dette forfattarskapet, og plukka fram Grisefesten og Profitørene - utgitt fyrste gong i Sverige i 1978 og -79. Det var absolutt interessant å gå slik bakover i tid, i det same universet og med dei same personane å forholda seg til. Mykje har skjedd sidan slutten av syttitalet, det gjeld både teknologi, infrastruktur og andre samfunnsforhold - og kriminallitteraturen speglar sjølvsagt desse endringane. Trass i dette får ikkje desse to bøkene meir enn terningkast 3 frå meg. Dei er litt tamme og har ikkje tålt "tidens tann" så godt.

Eg har imidlertid etter kvart fått sans for den slentrande og personlege forteljarmåten til denne forfattaren. Han er sarkastisk og frekk, melankolsk og elegant - ein heilt eigen spesiell stil - ein stil eg ikkje såg eller oppfatta då eg vart så skuffa over den fyrste boka. Forfattaren er svært kunnskapsrik, har lang erfaring med og kjennskap til brotsverk, forbrytarar og politiarbeid. Difor vert bøkene hans truverdige, realistiske og grundige. Eg trur likevel GW Persson er ein forfattar som ein må venja seg til.

No har eg lånt Den som dreper dragen via ebokbib og ser fram til eit nytt møte med forfattaren - og antihelten Evert Bäckström, som er hovudperson i denne boka. Eg forventar ei leseoppleving med gode miljøskildringar, beisk humor, samt eit kritisk blikk på politietaten spesielt og samfunnet generelt. Sitrande spenning kan ikkje forventast. Det er ikkje GW sin stil.
Og OMSIDER kjem eg fram til poenget med dette lange innlegget: Den som dreper dragen er mitt bidrag til Boken på vent-spalten hos Beathe denne tysdagen!

Leif GW Persson er ein godt vaksen mann (fødd i 1945), men har ikkje gitt ut så mange bøker, - han har som nemnd vore opptatt med enkelte andre ting. Men han har teke seg tid til å skriva nokre jakt- og kokebøker saman med Jan Guillou og manus til to TV-seriar, også saman med Guillou.

Forutan bøkene omtalt over, er desse bøkene utgitt på norsk:
  • En annen tid, et annet liv
  • Faller fritt som i en drøm - desse to inngår saman med 'Mellom sommerens lengsel og vinterens kulde' i trilogien «Velferdsstatens fall» som kretsar rundt mordet på ein svensk statsminister
  • Samfunnsbærerne - er ein frittståande roman, men oppfølgjar til 'Grisefesten' og 'Profitørene'
  • Linda - som i Lindadrapet 
  • Den sanne historien om Pinocchios nese
  • Gutten til Gustav (Sjølvbiografi)

12 kommentarer:

  1. Jeg har bare lest en GW bok, men den likte jeg ikke. Så da stoppet det i grunnen litt opp. Jeg har lært at man ofte skal gi en forfatter en sjanse til, men jeg er ikke kommet så langt :-) Ønsker deg en fin dag!

    SvarSlett
    Svar
    1. Då opplevde du det same som meg... pussig.. eller kanskje ikkje?
      Ei enkelt bok er uansett eit tynt grunnlag om ein skal gjera seg opp ei meining om ein forfattar, - men fyrsteinntrykket er viktig!

      Slett
  2. Jag har inte läst någon bok av Leif GW Persson än. Han finns inte så högt upp på min prioriteringlista. Men jag borde kanske omvärdera den. Tack för tipset! :-)

    SvarSlett
    Svar
    1. Det er mange (spesielt menn) som er veldig begeistra for GW.

      Slett
  3. Har ikke lest noe av denne forfatteren, men så leser jeg lite krim av en eller annen grunn, men nå merker jeg at jeg får lyst til å prøve meg på en bok av GW. Ønsker deg en fin kveld:-)

    SvarSlett
    Svar
    1. Takk det same, Beathe. Eller - no er det visst snart "god natt" :-)

      Slett
  4. Jeg har ikke lest noe av forfatteren. Noen år tilbake leste jeg en del krim, men nå blir det sjeldnere

    SvarSlett
    Svar
    1. Slik er det. Smak og interessefelt endrar seg over tid..

      Slett
  5. Oii! Ser at det er MANGE som ikke har lest noen av disse- jeg er altså ikke så alene som jeg hadde trudd ;o)
    Jeg leste et intevju med ham en gang, det er det eneste... Av en eller annen grunn har jeg ikke latt meg friste- mulig det er den sperra jeg har mot å begynne på sånne evige "føljetonger" som har gjort utslaget. Er litt redd for å bli hekta, og dermed at jeg skal bruke for mye tid på halvgode bøker i stedet for det briljante! Så lenge tida er en knapp resurs, må man prioritere, vettu!

    SvarSlett
    Svar
    1. Prioritering er viktig, det veit me som er bokslukarar :-) Men GW sine romanar er frittståande, så ein treng ikkje bli SÅ hekta.

      Slett
  6. Ikke jeg heller, men har tenkt, flere ganger..

    SvarSlett
    Svar
    1. Ja-ja, det er jo ein start.. Eg ga GW ein ny sjanse fordi han har ei rolle utanom å vera forfattar. Stemma hans vert høyrt innan svensk kriminaldebatt, og det tykkjer eg er intetessant.

      Slett